si isay man daw niyo?

Dae taka man bistado asin mayo
man akong pakiaaram saimu,
pero kang inot takang nahiling
anu daw ta naugma ako?


Sa arualdaw pinamimibi na ika mabisto,
asin maaraman ang ngaran mu.
Dae ko aram kung tanu pero ako 
palan intresado na saimu.


Naglipas ang mga aldaw kang bigla ko
na lang naaraman na saru ka palan sa
mga kaklase ko. Dae ko aram kung tanu
pero subrang kaugmahan ang namati ko.


puon kadto permi ka nang hinahanp sa
Ateneo, nagpapakasakaling ika nahiling
ta sarung sulyap lang saimu
aram ko na kompleto na ang aldaw ko.


kang inot mu akong inapod sa ngaran ko
asin tigkaulay, bigla na lang nangrilipot ang
kamot ko. Dae ko arm kung tanu pero pagtalikod
ko saimu hanggang talinga nag ngirit ko.


Aram ko na dapat naging maugma ako 
kang sinabi mung " astig akong barkada".
Pero dae ko aram kung tanu pero namundo 
talaga ako asin nakurulog ang  daghan ko.


Kaitong sarung aldaw lang kang naaraman
ko, na ika palan namumuot na sa ibang tao.
garu tigtusok ang puso. Dae ko na talaga aram
kung anu baya ang namamati ko para saimu


Sa sakuyang pagmumuni-muni saka ko lang
naisihan asin naintindihan na utod na palan
sa boot ko na  namumuot, namumuot na sa 
taong halyo ko nang hinahanggan.